ប្រធានក្រុមការងារបង្ការទប់ស្កាត់ នៃអគ្គលេខាធិការដ្ឋានគ.ជ.ប.ជ បានចូលរួមសិក្ខាសាលាពិគ្រោះយោបល់ពិនិត្យគោលការណ៍ណែនាំរៀបចំផែនការសកម្មភាពថ្នាក់ក្រោមជាតិស្ដីពី " ការគាំពារ និងអភិវឌ្ឍកុមារតូច " នៅខេត្តសៀមរាប

Published on 07 Feb, 2025

ខេត្តសៀមរាប៖​ ថ្ងៃទី​០៥ ខែកុម្ភ ឆ្នាំ២០២៥ លោកឧត្តមសេនីយ៍​ទោ​ រ៉ន​ សុភ័ក្រ្ត​វឌ្ឍនា ប្រធានក្រុមការងារបង្ការទប់ស្កាត់ នៃអគ្គលេខាធិការដ្ឋានគ.ជ.ប.ជ​ បានចូលរួមសិក្ខាសាលា​ពិគ្រោះយោបល់ពិនិត្យគោលការណ៍ណែនាំរៀបចំផែនការសកម្មភាពថ្នាក់ក្រោមជាតិ​ស្ដីពី​ " ការគាំពារ​ និងអភិវឌ្ឍកុមារតូច "​ ក្រោមអធិបតីភាពឯកឧត្តម​ ប្រាក់​ កុសល​ អគ្គលេខាធិការរង​ គណៈកម្មាធិការជាតិ​គាំពារ​ និងអភិវឌ្ឍកុមារតូច ។ ក្នុងសិក្ខាសាលានេះផងដែរក៏មានការអញ្ជេីញចូលរួមរបស់​ឯកឧត្តម​ លោកជំទាវប្រធានក្រុមប្រឹក្សា​ អភិបាលរងខេត្ត លោក​ លោកស្រី​ ប្រធានមន្ទីរពាក់ព័ន្ធ​ ប្រធានការិយាល័យ​ អន្តរវិស័យ​ ការិយាល័យ​ផែនការវិនិយោគ​ដែលមកពីខេត្ត​ សៀមរាប​ ក្រចេះ​ កំពង់ចាម​ ព្រះវិហារ​ និងរតនៈគីរី​ សរុបចំនួន៥៨រូប​ ។

សិក្ខាសាលានេះមានគោលបំណង ១.កំណត់យន្តការនៃការរៀបចំផែនការសកម្មភាពគាំពារ​ និងអភិវឌ្ឍកុមារតូច​ ដែលមានទម្រង់ជាពហុវិស័យ ,២.យល់ដឹងពីនីតិវិធីនៃការចូលរួមរៀបចំផែនការគាំពា​រ​ និងអភិវឌ្ឍកុមារតូច ,៣. កំណត់ក្របខណ្ឌពេលវេលា​ និងបែងចែកការទទួលខុសត្រូវរបស់សមាជិកក្នុងការរៀបចំផែនការ ៕