កិច្ចពិភាក្សាលើនីតិវិធីប្រតិបត្តិស្តង់ដា ស្តីពីកិច្ចសហការទ្វេភាគីកម្ពុជា-ថៃ ស្តីពីការអនុវត្តច្បាប់ប្រយុទ្ធប្រឆាំងអំពើជួញដូរមនុស្ស បានប្រព្រឹត្តទៅនៅសណ្ឋាគារ Sokosol នាទីក្រុងបាងកក ប្រទេសថៃ នាថ្ងៃទី ២៥ ខែសីហា ឆ្នាំ ២០២២ ។ ការពិភាក្សាត្រូវបានធ្វើឡើងយ៉ាងស្វិតស្វាញដើម្បីការពារសិទ្ធិ និងផលប្រយោជន៍ជនរងគ្រោះ រហូតទទួលបានការឯកភាពគ្នា និងឈានដល់ការចុះហត្ថលេខា ដោយមានលោកជំទាវ ជូ ប៊ុនអេង រដ្ឋលេខាធិការ ក្រសួងមហាផ្ទៃ អនុប្រធានអចិន្ត្រៃយ៍គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស គ.ជ.ប.ជ ប្រធានគណៈប្រតិភូជាតំណាងភាគីកម្ពុជា និង លោកជំទាវ Rarung Worawat អនុរដ្ឋលេខា ក្រសួងអភិវឌ្ឍន៍ធនធានមនុស្ស និងសន្តិសុខមនុស្ស ប្រធានគណៈប្រតិភូ ជាតំណាង ភាគីថៃ ។